منتديات شباب العيكورة
نرحب بك زائرنا الكريم ونرجو منك الانضمام معنا في منتداك منتدى شباب العيكورة

منتديات شباب العيكورة

ثقافي رياضي اجتماعي
 
الرئيسيةالأعضاءس .و .جبحـثالتسجيلدخول

شاطر | 
 

 ودالعيكو رة وبس ايرا h

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ابراهيم عثمان



عدد المساهمات : 8
تاريخ التسجيل : 22/04/2010

مُساهمةموضوع: ودالعيكو رة وبس ايرا h   الجمعة أبريل 23, 2010 6:01 am

اصل القصة ان الشاعر حسن الزبير كان دايرة واحدة زيملتو و هي ما عاوزاه فراحت كلمت د. شادول و شادول قاليها خليها علي فقام حسن الزبير جا في اليوم التاني و قاليهو اها الخبر شنو قاليه والله البتي دي ود عمها قال دايرها و ما بتخلى عنها مهما كانت الظروف وبنات حواء كتار وربنا يديك الابرك منها قال لي يعني ما حا تتزوجني؟؟؟
قلت ليه طبعاً لانها مخطوبة وانت جيت متأخر يعني ما حا تعرسني؟؟
قلت ليه طبعاً ما حا تعرسك
ضرب التربيزة وشتت لي الورق وقال لي


ان شاء الله القيامة تقوم
عشان الناس كلهم يتلخبطو في بعض
المهم قالا بطريقة فيها نوع من الالم والحسرة
أنا داعبتهم الاثنين بالقصيدة
ان شاءالله القيامة تقوم
عشان ريدك معاي ما بدوم
ناس سهرانة طوالي
وناس طول الليالي تنوم
أشوف انا كيف حسابك يطول
على الوعدالدوام ممطول
وانا الشايف كتير أحباب
بعيشو الريدة عرض وطول
أنا الشايل دوام همك
وأريدك ريدة زي أمك
وأغير من غيرتي زاتا عليك
أخاف أنا يا الخفيف دمك
ان شاءالله القيامة تقوم
وكل زول يمشي في حالو
عشان ما قلبي يرجع يقول
حبيب الدنيا في بالو
كان ممكن الحكاية تنتهي عند هذا الحد
لكن أخونا الدكتور أحمد فرح شادول قال لي
أبداً الحكاية دي ما حصلت لزميلك
دي حاصلة ليك انت
وقام عمل قصيدة هاجمني بيها
هجوم الشاعر شادول لحسن الزبير
ان شاء الله الحسادة تطير
وتمتد السعادة تدوم
والضاق العذاب في الريد
بكرة يعيش ويشبع نوم
وتقول القيامة تقوم؟؟
عشان حظك شقي ومشئوم
وفتحن ليك بنات حواء
وجافاك ليلة واحدة النوم
بتقول القيامة تقوم؟؟
أنحنا لا عرفنا الريد
ولا زيّك عشقنا الغيد
وحبينا القريب وبعيد
وراجعنا القديم وجديد
ولا ضمانا حضن الليل
مع الوجه البهي وغريد
ولا لليل شكينا حبيب
اذا حتى العشقنا عنيد
ولا نظمنا في الحلوات غنا وموال
درر وقصيد
ولالينا بن عوف غنا
لا الصابر ولا الباكي
خيالِك عندي يوماتي
صباح خيري ومساء أفراحي
أعد ميعادو باللحظات
وسهري معاه صباحي
عيونِك فوق عيوني تنوم
وفوق آلامي ترتاحي
وريدِك من عواتي الريح
المو وأضم عليو جناحي
وتقول القيامة تقوم؟؟
أنحنا مع السعادة نسير
مواكب فرحة هادرة هدير
نحيا نحب نعيش ونغير
ونعلن ثورة التغيير
ناكل حب
ونشرب حب
ونلبس حب
ونفرح بالمحبة نطير
نعيش الريدةعرض وطول
كبيرنا ملك صغيرنا أمير
وتسمع صوت هتافنا يجيك
ان شاء الله الحسادة تطير
وتكبر وتنسى يا زغبير
الرجوع الى أعلى الصفحة اذهب الى الأسفل
مني سليمان

avatar

عدد المساهمات : 6
تاريخ التسجيل : 25/04/2010

مُساهمةموضوع: رد: ودالعيكو رة وبس ايرا h   الثلاثاء أبريل 27, 2010 12:57 pm

انشاء الله ماتقوم ولا حاجة
الرجوع الى أعلى الصفحة اذهب الى الأسفل
Admin
Admin


عدد المساهمات : 42
تاريخ التسجيل : 21/04/2010
العمر : 34

مُساهمةموضوع: رد: ودالعيكو رة وبس ايرا h   الأربعاء أبريل 28, 2010 2:12 am

ههههههههههههههههههههههههههههههههههههههههههه متجرسه مالك يابت العيكوره
الرجوع الى أعلى الصفحة اذهب الى الأسفل
http://shbabalaekora.yoo7.com
مكسب

avatar

عدد المساهمات : 2
تاريخ التسجيل : 22/04/2010

مُساهمةموضوع: رد: ودالعيكو رة وبس ايرا h   الثلاثاء مايو 11, 2010 4:19 pm

والله انشاء الله متقوم شفنا ليها شنو نحن الدنياء دي
مستعجلين علي قومتا كده.....؟
الرجوع الى أعلى الصفحة اذهب الى الأسفل
ابو رفال

avatar

عدد المساهمات : 70
تاريخ التسجيل : 22/04/2010
العمر : 42

مُساهمةموضوع: رد: ودالعيكو رة وبس ايرا h   الأربعاء مايو 12, 2010 6:28 pm

مكسب والله انت اشفتو كتير
اطلع الورقة والقلم
قول واحد الهند
قول اتنين كسلا
قول تلاتة بورسودان
قول اربعة الخرطوم ............وعوووووووووووووووووووك

________________
اذا لم تؤمن بنفسك , فلن يؤمن احد بك , لكل انسان طريق يسلكه ..
الرجوع الى أعلى الصفحة اذهب الى الأسفل
Admin
Admin


عدد المساهمات : 42
تاريخ التسجيل : 21/04/2010
العمر : 34

مُساهمةموضوع: رد: ودالعيكو رة وبس ايرا h   الأربعاء مايو 12, 2010 7:38 pm

ههههههههههههههه وريو يا ابو رفال ، وقال ماشاف للدنيا حاجة ،
والمصيبه فاكيه فى روحو وعامل فيها صغير وجاهل وهو من زمن حفرو البحر

________________
تتلاشي الأيام ..وننظر في دفتر ما مضي بحثا عن ما كسبناه فنلقاكم ... ويكفينا
الرجوع الى أعلى الصفحة اذهب الى الأسفل
http://shbabalaekora.yoo7.com
 
ودالعيكو رة وبس ايرا h
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب العيكورة  :: الفئة الأولى :: أغاني-
انتقل الى: