منتديات شباب العيكورة
نرحب بك زائرنا الكريم ونرجو منك الانضمام معنا في منتداك منتدى شباب العيكورة

منتديات شباب العيكورة

ثقافي رياضي اجتماعي
 
الرئيسيةالأعضاءس .و .جبحـثالتسجيلدخول

شاطر | 
 

 بكتب ليك

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ام احمد



عدد المساهمات : 10
تاريخ التسجيل : 17/05/2010

مُساهمةموضوع: بكتب ليك   السبت مايو 22, 2010 5:27 pm

مالى أنا كل ما أقول فى نفسى إتلمينا
ألقى أقدارى تضحك .. لى تقول كضِّاب
وكل ما أعمل حساب لظروفى
زى الما عملت حساب
مالو فراقنا مترقبنا .. دون خلق الله
واقف ديمة عند الباب
نعمل إيه .. عشان يختانا جاى أو جاى
وبينَّا وبينو يبقى حجاب
ونشوف الدنيا موكب فرحة
غني ليّا فى ترحاب
وتدنى عليِّا آمالن .. بشوفا سراب
ويهل سعدى .. ونجم سعدى ..
بعد ما منِّى طوَّل غاب
وأقيف خاشع .. وأقول يا الله
كل النَّاس يكونوا أحباب
***
بكتب ليك وأطوِّل فى كتاباتى
يفيض إحساسى وأملا الدنيا
بى كلمات خطاباتى
بجمع ليك لغات الدنيا وأكتب ليك
بى لغة العجم مرات ..
وبالعربى الشديد وفصيح ..
وبى لغة الملايكة أحيان ..
وبالسريانى والتسبيح ..
وفوق كل ذرة فى ها الكون ..
بكتبا ليك وارسلا فوق جناح الريح
***
بكتب ليك على الأشجار .. وفى الأنهار ..
ومحل ما تمشى قدامك
تلاقى حروف رسالاتى
لأنك إنتى من ذاتى .. وفى ذاتى .. وياك ذاتى
ومهما كتبت ما بقدر أعبر ليك عن الجوايا
مهما طاوعت أقلامى كلماتى
***
وليه ما أكتب وإنتى الماضى بى أحزانو
بى أفراحو والمستقبل الآتى
كتاباتك شوية خلاص .. ورسالاتك شوية خلاص
علىَّ الفى منامى أحلام .. علىّ الفى صحاى وسواس
وأنا الراجيكى تكتبى لىَّ .. كم دفتر وكم كرَّاس
منَّها داير أفصِّل جبة وانْدروشْ ..
وكمان طاقيِّى فوق الراس
ومن كلماتا أسوى السبحى والبخرات وكم حجبات
أداريبن عيون النَّاس
كمان تقروقة .. فى محراب هواكى اجلس مع الجُلاّس
واخلى الباقى واتغتابو .. كان بعدك غشانى نُعاس
***
أنا الراجيكى تكتبى لى ..
كتاباتك تكون فى الظلمة لى نبراس
أنا العايش فراقك لى ..
وأشوفك فى عيون النَّاس
وعازرك لو كتبتى قليل ..رضيان بيهو
ما دام بى وفا وإخلاص
أريت يومن فرقنى معاك ..
يكون محذوف من التاريخ ..
وتبقى أيامنا ستة .. ونبقى فيها قراب
أريت بلدن تحرمك منى ..
لو ما إنتى تبقى خراب
يسكن فى خرابا البوم ..
ويتصايح عليها غراب
وصاقعة تقع تدكها ما تفضل فيها
ذرة تراب ..
تولِّع فيها نار الله ..
وتصبح كوم رماد وهباب
تمسخها لعنة من عند الله ناسها
تصير قرود وكلاب ..
وتمرقى إنتى والنَّاس المعاكى قراب..
وما دعيت خاتي الا الفراق اسباب ..
الرجوع الى أعلى الصفحة اذهب الى الأسفل
سعدعبدالله



عدد المساهمات : 4
تاريخ التسجيل : 25/05/2010

مُساهمةموضوع: رد: بكتب ليك   الخميس مايو 27, 2010 4:50 am

الحقيقه انا ضعيف جدا امام الشعر والخواطر وكتابات النثر وفي قريتي الكثير من الشعراء والكتاب اتمني ان تكون في هذه الزاويه ابداعاتهم خاصه كتابات الاخ خضر جاكسون
الرجوع الى أعلى الصفحة اذهب الى الأسفل
 
بكتب ليك
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات شباب العيكورة  :: الفئة الثانية :: الشعر والخواطر-
انتقل الى: