هذه القصيده مشهوره غناها المبدع مصطفي سيد احمد وهي للشاعر خالد عباس بعد ان
اتحفنا برايعته السمحة نوارة فريقنا واتمني ان يكملها احد الاني لااحفظها كلها ولكم الشكر
من الواسوق ابت تطلع من الابريق ابت تطلع
من الاقلام ابت تطلع من المدفع طلع خازوق
خوازيق البلد زادت يفض النيل نحيض نحن
يظل حال البلد واقف تقع محنه
ولا الليل القديم ياهو ولايانا نعاين في الجروف تنهد ولايانا
رقاب تمر والحدود تنقص ولايانا
متين ايد الغبش تمتد ولاقدام تنبش عين الضلام بي الضو
تفرهد شتلة الهدام ولافيضا يفوت الحد
عقب يا نيل تكون ياكا ونكون اهل البلد بي الجد
يامطر عز الخريف يا مصابيح الطريق
يا المراكبي البتنجد من فك الموج الغريق
جينا ليك والشوق دفرنا يانشوق روحنا ودمرنا
يالمحطات الحنينه القصرت مشوار سفرنا
ياما شايلك بيني حايم لا الليالي المخمليه
لاالعمارات السوامق لا الاسامي الاجنبيه
تحمي من عيني ملامحك وانتي جاية المغربيه
وشك المكبوت مكندك سمسونايتك زمزميه
التحية لشاعرنا الكبير خالد عباس وربنا يمتعه بالصحة والعافيه